धनुषा– नेपाली कांग्रेसको भ्रातृ संगठन तरुण दलले बाढी र पहिरोका कारण विभिन्न ठाउँमा पीडित बनेकाहरुलाई राहत वितरण गरेको छ ।
महासचिव भुपेन्द्रजंङ्ग शाही नेतृत्वको टोलीले तराईका विभिन्न जिल्लामा पुगेर बाढी पीडितलाई राहत वितरण गरेको हो । टोलीले मंगलबार धनुषा, महोत्तरी र सप्तरी जिल्लाको तिलाठि कोलाडि गाउँपालिकाका बाढी पीडितहरुलाई राहत स्वरुप खाद्य सामग्री प्रदान गरेको हो । यसअघि सोमबार रौतहटका बाढीपीडितलाई खाद्य सामग्री प्रदान गरिएको थियो ।
नेबिसंघका पूर्व केन्द्रीय अध्यक्ष एवं कांग्रेस नेता रन्जित कर्ण, नेपाली कांग्रेस सप्तरी सचिव रामकुमार यादव लगायतका नेता कार्यकर्ताहरुको उपस्थितिमा राहत वितरण गरिएको हो ।
