जनकपुरधाम – धनुषाको जनकपुर–ढल्केबर सडकखण्डमा दुई अटोरिक्सा ठोक्किँदा तीन जनाको मृत्यु भएको छ ।
आइतबार साँझ जनकपुर–ढल्केवर सडकखण्डको क्षिरेश्वरनाथ नगरपालिका–४ मा दुई अटोरिक्सा ठोक्किएको थियो । जनकपुरधामबाट ढल्केवरतर्फ जाँदै गरेको ना १ ज ७०२२ नम्बरको र विपरीत दिशाबाट आउँदै गरेको ज १ ह ४८९६ नम्बरको अटोरिक्सालाई ठोक्किँदा तीन जनाको मृत्यु भएको हो , उक्त दुर्घटनामा दुईजना घाइते भएको ईलाका प्रहरी कार्यालय महेन्द्रनगरका प्रहरी निरीक्षक अमिरकुमार दाहालले जानकारी दिए ।
दुर्घटनामा मृत्यु हुनेमा क्षिरेश्वर नगरपालिका–३ का ७२ वर्षीय रामदेव साह, सिरहा घर भई हाल महेन्द्रनगरको स्वाइन कारखानामा कार्यरत रहेकी ४० वर्षीय रेखा यादवको घटना स्थलमै मृत्यु भएको हो । वडा नम्बर ४ कुमरौलका २३ वर्षीय रोशन साह तेलीको उपचारको क्रममा मृत्यु भएको प्रहरीले जनाएको छ ।
घाइतेहरु दुवै जनाको उपचार जनकपुर अञ्चल अस्पतालमा भईरहेको प्रहरीले जनाएको छ ।
