काठमाडौं – महिला श्रृजनशील केन्द्रको आयोजना तथा इभेन्ट संसार डटकमको व्यवस्थापनमा ‘श्रृजनशील उद्यमी मेला २०७६’ हुने भएको छ । साउन १६ देखि २० गतेसम्म हुने कार्यक्रमलाई तीज महोत्सव २०१९ नाम दिइएको छ ।
भृकुटीमण्डपको प्रदर्शनी हलमा सञ्चालन हुने मेला ५ दिन सम्म सञ्चालन हुनेछ । १८ औँ संस्करणको मेलामा २ सय भन्दा बढी महिला उद्यमी तथा सहयोगी संघ संस्थाहरुको सहभागिता रहने छ । कार्यक्रमलाईं ५० हजार भन्दा बढीले अवलोकन गर्ने अपेक्षा गरिएको महिला श्रृर्जनशील केन्द्रकी अध्यक्ष मिलु थापाले जानकारी दिइन् ।
महिलाहरुको आत्मविश्वास बढाएर, क्षमता विकास अभिवृद्धि गर्दै उनीहरुलाई श्रृजनशील बनाउँदै उद्यमशीलतामा अगाडी बढाउनु नै संस्थाको मुख्य उदेश्य रहेको केन्द्रकी अध्यक्ष थापाले बताउनुभयो । नेपाली महिलाहरुको महान चाड हरितालिका तीज नजिकिँदै गर्दा मेला उपयोगी हुने आयोजकका विश्वास छ ।
