नेपाल आयल निगमले खाना पकाउने एलपिजी ग्यासको भाउ घटाएको छ।
निगमले मंगलबार प्रतिसिलिन्डर २५ रुपैयाँ घटाउने निर्णय गरेको हो। निगमका अनुसार घटेको नयाँ मूल्य आज मध्यराति १२ बजेबाट लागू हुनेछ। अब ग्यासको भाउ प्रतिसिलिन्डर १ हजार ३ सय ७५ रुपैयाँ भएको छ।
मध्यरात १२ बजेसम्म भने प्रतिसिलिन्डर १ हजार ४ सय रुपैयाँमा किनबेच हुनेछ।
त्यस्तै पेट्रोल प्रतिलिटर एक रुपैयाँ तथा डिजेल र मट्टितेलमा ५०/५० पैसा घटाउने निर्णय गरेको छ। हवाई इन्धनको मूल्य भने यथावत रहेको छ।
अब पेट्रोल प्रतिलिटर १ सय ९ रुपैयाँ तथा डिलेज र मट्टितेल प्रतिलिटर ९७ रुपैयाँ कायम भएको छ।
