- महेश सिंह महतो
सिरहा – सिरहाको छुट्टाछुटै स्थानबाट दुई जनालाई प्रहरीले पक्राउ गरेको हो । करीब १३ लाख मूल्य बराबरको अवैध सामानसहित सोमबार राति दुई जनालाई पक्राउ गरेका हो ।
भारतबाट भन्सार छलेर नेपालतर्फ ल्याउँदै गरेको किराना खाद्यान्नका समान तथा सवारी साधनसहित प्रहरीले सिरहा नगरपालिका–३ मखनाहास्थित प्रहरी चौकीबाट खटिएको गस्ती टोलीले बीआर३२जे १२०६ नंको स्कारपियोमा भारतबाट नेपालतर्फ अवैधरूपमा लिएर आइरहेको किराना सामानसहित सिरहाको कल्याणपुर नगरपालिका–१२ निवासी ५० वर्षीय सरिफ राइनलाई पक्राउ गरेको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक अपिलराज बोहराले जानकारी दिए ।
त्यसैगरी सिरहा नगरपालिका–७ ट्राफिक नजिकैबाट अवैध सामानसहित मिर्चैया नगरपालिका–५ निवासी ४५ वर्षीय विष्णुदेव महतो पक्राउ का हुन । स१प ९२०२ नंको मोटरसाइकलमा भन्सार छलेर लुकाई राखिएको ३५ हजार मूल्य बराबरको किराना सामान नियन्त्रणमा लिइएको प्रहरीले जनाए । पक्राउ गरिएको सम्पूर्ण सामान जिल्ला भन्सार कार्यालय माडरमा राखीएको सिरहाका प्रवक्ता प्रहरी नायब उपरीक्षक बोहरा बताए ।
