नेकपाकी सांसद शान्ता चौधरी कक्षा ११ मा भर्ना

यसैवर्ष बी प्लस ल्याएर एसइइ उत्तीर्ण गरेकी सत्तारुढ नेपाल कम्युनिष्ट पार्टी (नेकपा)की प्रमुख सचेतक शान्ता चौधरी शुक्रबार कक्षा ११ मा भर्ना भएकी छिन्।

उनी काठमाडौंको सरकारी विद्यालय रत्नराज्य उच्च माविको मानविकी संकायमा भर्ना भएकी हुन्।

सामाजिक सञ्जाल फेसबुकमार्फत् तस्बिर सार्वजनिक गर्दै चौधरीले आफूलाई कम्लहरी जीवनवाट ल्याएर सांसददेखि प्रमुख सचेतकसम्म बनाएकोमा तत्कालिन नेकपा एमालेलाई धन्यवादसमेत दिएकी छिन् । ‘प्राय कक्षा ११ मा भर्ना हुने १५ वर्षको उमेरमा हो तर त्यो उमेरमा परिस्थितिले मलाई झोला बोकेर कलेज जानेहरूलाई टुलुटुलु हेरेर बस्ने बनायो, मुटु समातेर धरधरी रुने बनायो’ चौधरीले विगत सम्झदै अगाडि लेखेकी छिन, ‘आजमात्रै नयाँ बानेश्वरस्थित रत्नराज्य माविको मानविकी संकायमा भर्ना भएकी छु ।’

तत्कालिन नेकपा एमालेका महासचिव माधवकुमार नेपालले दाङवाट ल्याएर समानुपातिक सूचीमा राखी तत्कालिन संविधानसभा सदस्य बनाएका थिए। त्यसपछि संसदीय समितिकी सभापतिसमेत भईसकेकी चौधरीलाई २०७४ को निर्वाचनपछि भने प्रतिनिधिसभातर्फको प्रमुख सचेतकको जिम्मेवारी दिइएको हो।

प्रमुख सचेतकको जिम्मेवारी पाउँदै गर्दा विद्यालय भर्ना भएर एसइइ उत्तीर्ण गरेपछि विभिन्न कलेजले पढाउन अफर गरेका थिए। तर चौधरीले भने सरकारी विद्यालय नै रोजेकी छिन्। ‘दुःखको सागर पौडिदै गरेको मान्छे म, त्यही सागरबाट उतारेर मलाई संसार बुझ्न सक्ने र बिस्तारै मनभित्रका रहर पुरा गर्न वातावरण निर्माण गरिदिने मेरो पार्टी तत्कालीन नेकपा(एमाले) अर्थात् हालको नेकपालाई हार्दिक धन्यवाद छ,’ चौधरीले भावुक हुँदै लेखेकी छिन्, ‘हृदयदेखि नै धन्यवाद छ अग्रज नेतालाई, शुभेच्छुक साथीहरूलाई, आफन्तजनलाई र शिक्षाको ज्योति दिएर बाटो देखाउँदै गर्नु हुने आदरणीय व्यक्तित्वलाई ।’

चौधरीले तीनपटक तत्कालिन संविधानसभा र प्रतिनिधिसभामा नेतृत्व प्रदर्शन गरिसकेकी छिन्। उनले एसइइ पास गर्दा प्रधानमन्त्री केपी शर्मा ओलीले मन्त्रिपरिषद बैठकमा नै मिठाई बाँड्दै खुसीयालीसमेत मनाएका थिए।

‘ईच्छा मेरो, साथ तपाईंहरूको। तत्परता मेरो, प्रेरणा तपाईंहरूको। गुन तिर्न नसकँुला तर अन्तिम श्वाससम्म सम्झिरहने छु, तपाईंहरुको साथलाई र भनिरहने छु– आभारी छु ।’ चौधरीले राजनीतिका अलावा नियमित रुपमा कक्षामा सामेल हुने पनि प्रतिबद्धता जनाएकी छिन्, जसरी विद्यालय जीवनमा पनि प्रायजसो कक्षामा नै सामेल भएर पढेकी थिइन् । उनले एसइइ भने गृह जिल्ला दाङवाट पास गरेकी हुन्।

सिफारिस

स्वरूप परिवर्तन गरी ठूलो आवाज निकाल्ने ४०१ मोटरसाइकल ट्राफिक प्रहरीको नियन्त्रणमा (तस्बिरहरू)

काठमाडौं उपत्यकामा स्वरूप परिवर्तन गरी चर्को आवाज निकाल्ने ४०१ वटा मोटरसाइकललाई ट्राफिक प्रहरीले नियन्त्रणमा लिएको छ। काठमाडौँ उपत्यका ट्राफिक प्रहरी कार्यालय रामशाहपथले सञ्चालन गरेको विशेष...

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ पर्व सोमबार बिहान सम्पन्न भएको छ। छठ पर्वको अन्तिम दिन आज बिहान ललितपुरको कुपन्डोललगायत विभिन्न...

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार मनाइएको छ। यस अवसरमा नेपाली सेनाले तालिमप्राप्त कुकुरहरूको विशेष सीप तथा कलाकौशल प्रदर्शन गरेर कुकुर...

भर्खरै

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ...

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार...

‘काठमाडौँ फिल्म फेस्टिभल’ को रेड कार्पेटमा स्वदेशी तथा विदेशी कलाकार (तस्बिरहरू)

काठमाडौँ- काठमाडौँमा जारी तीनदिने ‘काठमाडौँ फिल्म फेस्टिभल’ को दोस्रो...

डोल्पा कारागारबाट सुरुङ खनेर यसरी भागेका थिए आठ कैदी (तस्बिरहरू)

डोल्पा - डोल्पाको सदरमुकाम दुनैस्थित जिल्ला कारागारबाट सुरुङ खनेर...

सांस्कृतिक उत्सवका साथ सुरु भयो ‘काठमाडौँ फिल्म फेस्टिभल’ (तस्बिरहरू)

काठमाडौँ-  काठमाडौँमा शुक्रबारदेखि पहिलो ‘काठमाडौँ फिल्म फेस्टिभल’ सुरु भएको...

खाद्य प्रविधि विभागले भन्यो: जथाभावी इनर्जी ड्रिङ्क्स नपिउनुस्

खाद्य प्रविधि तथा गुण नियन्त्रण विभागले जथाभावी इनर्जी ड्रिङ्क्स...

धेरै पढिएको