नेपाल कम्युनिष्ट पार्टी (नेकपा)ले ३२ वटै विभाग नेतृत्व टुंगो लगाएको छ । नेकपाको आज बसेको सचिवालय बैठकले विभाग नेतृत्व छिनोफानो गरेको हो ।
पार्टीले पूर्व प्रधानमन्त्री माधवकुमार नेपाललाई विदेश विभाग प्रमुख बनाएको छ । उहाँ यसअघि एमालेको विदेश विभाग प्रमुख हुनुहुनथ्यो ।
यस्तै अर्का पूर्व प्रधानमन्त्री झलनाथ खनालले नीति तथा प्रतिष्ठानको नेतृत्व पाउनु भएको छ । धेरै आकांक्षी रहेको स्कुल विभागको नेतृत्व उपप्रधानमन्त्री तथा रक्षामन्त्री ईश्वर पोरेलले पाउनु भएको छ ।
सचिवालय सदस्य वामदेव गौतम संगठन विभाग प्रमुख बन्नु भएको छ । आर्थिक विभाग प्रमुख स्थायी समिति सदस्य सुरेन्द्र पाण्डेले पाउनु भएको छ ।
