प्रदेश–१ सरकारले प्रदेशसभाको हिउँदे अधिवेशन अन्त्य गर्ने निर्णय गरेको छ ।
आइतबार बसेको प्रदेश मन्त्रिपरिषद्को बैठकले हिउँदे अधिवेशन अन्त्य गर्ने निर्णय गरेको हो । प्रदेशसभाको सातौँ तथा हिउँदे अधिवेशन गत माघ ७ गते सुरु भएको थियो ।
आइतबार बस्ने प्रदेशसभाको बैठकलाई मुख्यमन्त्री शेरधन राईले सम्बोधन गरेपछि अधिवेशन अन्त्य गर्ने सरकारको तयारी छ ।
।पछिल्लोपटक सरकारले विनियोजन गरेका बजेट, दीर्घकालीन महत्वका योजनामा भएको प्रगति, निर्वाचन क्षेत्र पूर्वाधार विकास कार्यक्रमलगायत विषयमा सरकारको जवाफ माग्दै विपक्षी दलले प्रदेशसभा बैठक अवरोध गर्दै आएका छन् । आइतबारको बैठक पनि अवरुद्ध गर्ने तयारी गरिएको विपक्षी नेपाली कांग्रेसले जनाएको छ ।
