काठमाडौं – काठमाडौं उपत्यकामा गरिएको निषेधाज्ञाको दोस्रो दिन सडकमा सवारी साधनको चाप कमै देख्न सकिन्छ ।
लकडाउन अवधिभर अत्यावश्यक सेवा तथा वस्तुका सवारी साधन, बिरामी तथा कुरूवा, सरकारी कायार्लय तथा सार्वजनिक संस्थान, बैंक तथा वित्तिय संस्था, बीमालगायत राष्ट्र बैंकबाट इजाजत प्राप्त वित्तिय कारोबार गर्ने संस्थाका कर्मचारी, एयरपोर्टमा जाने–आउने यात्रुहरूको हकमा सवारी पास आवश्यक नपर्ने काठमाडौं जिल्ला प्रशासनले जनाएको छ ।
तर कतिपयले निषेधाज्ञालाई अटेर गरेर हिँड्ने गरेको पनि पाइएको छ । अटेर गर्ने धेरै सवारी साधनलाई प्रहरीले समाएर होल्डिङ सेन्टरमा राखेका छन् । सडकमा नेपाल प्रहरी, शसस्त्र प्रहरीको उपस्थिती बाक्लो देखिएको छ ।
