काठमाडौं – मौसम पूर्वानुमान महाशाखाले मनसुनको न्यून चापीय रेखा औसत स्थानभन्दा केही दक्षिणतर्फ सरेको जनाएको छ । जसका कारण नेपालमा मनसुन कम सक्रिय अवस्थामा रहेको महाशाखाको भनाइ छ ।
आगामी २४ घण्टाको मौसमबारे जानकारी दिँदै महाशाखाले देशभर आंशिकदेखि सामान्य बदली रही केही स्थानमा मेघ गर्जन र चट्टयाङसहित वर्षा हुने सम्भावना रहेको जनाएको छ । हाल देशभर आंसिकदेखि सामान्य बदली भइरहेको महाशाखाले जनाएको छ ।
आगामी तीन दिनको मौसम विवरणबारे जानकारी दिँदै महाशाखाले बुधबार (आज) दिउँसो देशभर आंशिकदेखि सामान्य बदली रही केही स्थानमा मेघ गर्जन र चट्टयाङसहित वर्षा हुने अनुमान गरेको छ ।
बुधबार राति देशभर आंशिकदेखि सामान्य बदली रही केही स्थानमा मेघ गर्जन र चट्टयाङसहित वर्षा हुने महाशाखाको अनुमान छ ।
बिहीबार दिउँसो देशभर बदली रही केही स्थानमा मेघ गर्जन र चट्टयाङसहित वर्षा हुने तथा राति सामान्य बदली रही केही स्थानमा मेघ गर्जन र चट्टयाङसहित वर्षा हुने महाशाखाको अनुमान छ । बिहीबार राति नै पूर्व र पश्चिमका एक दुई स्थानमा भारी वर्षाको सम्भावना रहेको महाशाखाले जनाएको छ ।
शुक्रबार दिउँसो देशभर सामान्य बदली रही केही स्थानमा मेघ गर्जन र चट्टयाङसहित वर्षा हुने, साथै मध्य र पश्चिमका केही स्थानमा भारी वर्षाको सम्भावना रहेको महाशाखाको भनाइ छ ।
शुक्रबार राति देशभर बदली रही केही स्थानमा मेघ गर्जन र चट्टयाङसहित हल्का देखि मध्यम वर्षा हुने महाशाखाले पूर्वानुमान गरेको छ ।
