काठमाडौ – ‘मितिनी नेपाल’ नामक संस्थाद्वारा सांसदहरुसंग एक दिने अन्तरक्रिया कार्यक्रम सम्पन्न भएको छ । यु.एन.डिपीको सहयोगमा होटल र्याडिसनमा बिहिबार उक्त कार्यक्रम आयोजना गरिएको हो।
कार्यक्रममा प्रतिनिधि सभा र राष्ट्रिय सभाका सांसदहरु उपस्थिति रहेको थियो। कार्यक्रमको सुरुमा मितिनी नेपालका प्रतिनिधिका रुपमा उपस्थित लैंगिक तथा यौनिक अल्पसंख्यक जोडीहरुले आफुले भोग्नु परेका समस्याहरु सांसद पस्केका थिए।
लैंगिक तथा यौनिक अल्पसंख्यकहरुलाई हेर्ने दृष्टीकोण विभेदपुर्ण मुल्यमान्यता र त्यसबाट सिर्जित हानीकारक परम्परागत अभ्यासका कारण लैंगिक तथा यौनिक अल्पसंख्यकले आफ्नो शरिर, यौनिकता र आफ्नो सो पहिचानका साथ जीवनयापन गर्न पाउने अधिकारको सुनिश्चिताको लागि निर्णय लिने वातावरण राज्यबाट गर्नुपर्ने उनीको माग थियो ।
नेपालको संविधानले यो समुदायको हक अधिकार सुनिश्चित गरे पनि कार्यान्वयन पक्ष फितलो हुँदा राज्यका विभिन्न निकायमा अझ पनि आफ्नो अधिकार लिनबाट समुदाय बञ्चित रहेको धारणा राखेका थिए। त्यस्तै उनीहरुले आफ्नो नागरिकतामा पहिचान खुलाइदिन समेत माग गरेका छन्।
कार्यक्रममा उपस्थित सांसदहरुले यो विषयलाइ गम्भीरताको रुपमा लिएको र यसलाई संसदीय समितिमा कुरा उठाउने प्रतिबद्दता व्यक्त गरेका छन्।
