काठमाडौं – मौसम पूर्वानुमान महाशाखाले मनसुनको न्यून चापीय रेखा औसत स्थानभन्दा केही दक्षिणतर्फ रहेको बताएको छ । हाल मुलकका अधिकांश भागमा सामान्य बदली भइरहको पनि महाशाखाको भनाइ छ ।
आगामी २४ घण्टा देशभर सामान्य बदली रही केही स्थानमा मेघ गर्जन र चट्याङसहित वर्षा हुने तथा मध्य भागका केही स्थानमा भारी वर्षाको सम्भावना रहेको महाशाखाले जनाएको छ ।
सोमबार दिउँसो देशभर बदली रही केही स्थानमा मेघ गर्जन र चट्याङसहित वर्षा हुने तथा राति पनि बदली रही पश्चिम, मध्य र पूर्वका केही स्थानमा मेघ गर्जन र चट्याङसहित वर्षा हुने सम्भावना छ ।
मंगलबार दिउँसो देशभर बदली रही केही स्थानमा मेघ गर्जन र चट्याङसहित वर्षा हुने र राति पनि बदली रही पश्चिम, मध्य र पूर्वका केही स्थानमा मेघ गर्जन र चट्याङसहित वर्षा हुनेछ । साथै पूर्व र मध्यका केही स्थानमा स्थानमा भारी वर्षाको सम्भावना रहेको महाशाखाले जनाएको छ ।
बुधबार दिउँसो देशभर बदली हुने तथा पश्चिम, मध्य र पूर्वका केही स्थानमा मेघ गर्जन र चट्याङसहित वर्षा हुने महाशाखाले जनाएको छ । पश्चिम र मध्यका केही स्थानमा भारी वर्षाको सम्भावना रहेको पनि महाशाखाको भनाइ छ ।
यस्तै बुधबार राति देशभर बदली रही पश्चिम, मध्य र पूर्वका केही स्थानमा मेघ गर्जन र चट्याङसहित वर्षा हुने सम्भावना छ ।
