काठमाडौं– मेलम्चीमा आएको बाढीले धेरै संरचना नष्ट भएका छन् भने करिब पाँच सय जना विस्थापित भएका छन् ।
बाढीले हेलम्बु गाउँपालिका वडा नं. ७ को चनौटे बजार पनि तहसनहस पारेको छ।
मानिसहरुले आफ्ना घरका सामान क्याम्पमा सारिरहेका छन् । विस्थापित भएकाहरु सुरक्षित स्थानको खोजी गर्दै अग्ला डाँडामा गएर बसेका छन् ।
बाढीमा परेका केहीको उद्धार गरे पनि बजार क्षेत्रका बासिन्दा कहाँ बस्ने के खाने भन्ने टुंगोमा छैनन्। मेलम्चीबाट हेलम्बु जाने सडक कामै नलाग्ने गरी क्षति भएको छ।
मेलम्ची, हेलम्बु, पाँचपोखरी थाङपालधाप लगायतका विभिन्न ठाउँमा बिजुली अवरुद्ध भएको छ।
