विश्वकप फुटबल ट्रफीको एसियाली यात्रा

[av_layout_row border=” min_height_percent=” min_height=’0′ color=’main_color’ mobile=’av-flex-cells’ id=” av_element_hidden_in_editor=’0′ mobile_breaking=” av-desktop-hide=” av-medium-hide=” av-small-hide=” av-mini-hide=”]

[av_cell_two_third vertical_align=’top’ padding=’30px,30px,30px,60px’ background_color=” src=” attachment=” attachment_size=” background_attachment=’scroll’ background_position=’top left’ background_repeat=’no-repeat’ mobile_display=”]

[av_textblock size=’16’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]

विश्वकप फुटबल ट्रफीलाई कुनै पनि देशको राष्ट्राध्यक्षजस्तै सम्मान गरिन्छ । सुरक्षा पनि त्यस्तै  . त्यसैले यो ट्रफी उचाल्ने दुई जना मात्र हुन्छन् भनिन्छ ।

पहिलो विश्वकप जित्ने कप्तान, अर्को त्यो ट्रफी पुग्ने देशका राष्ट्राध्यक्ष । अरूका लागि त्यो ट्रफीलाई नजिकबाट हेर्न पाउनु पनि ठूलो उपलब्धि हुन्छ, छुन पाउने त परको कुरा । सन् २०१८ को विश्वकप छ महिनापछि रूसमा हुँदैछ र विश्वकपका सम्बन्धमा पूरा विश्वमा रोमाञ्चकता उत्पन्न गर्न अहिले ट्रफीको विश्व भ्रमण सुरु भैसकेको छ ।

यसलाई विश्वकपकै सबैभन्दा रोमाञ्चक मोडका रूपमा वर्णन गरिन्छ । सन् २००६ देखि विश्वकप ट्रफीको यात्रा प्रारम्भ भएको हो र विश्वकप सुरु हुनु ठीक अघि यस्तो यात्राको आयोजना हुन्छ । त्यति बेला अन्तर्राष्ट्रिय फुटबल महासंघ (फिफा) र यसको एउटा प्रमुख प्रायोजक कोकाकोलाले विश्वकप ट्रफीलाई विश्व घुमाउने ऐतिहासिक निर्णय गरेका थिए र यो क्रम अहिले ठूलो उत्साहका साथ अघि बढिरहेको छ, जुन मे १ तारिखसम्म चल्नेछ ।

पछिल्लो साता मात्र विश्वकप ट्रफीको यात्रा सुरु भएको थियो र यसको पहिलो गन्तव्य रह्यो— श्रीलंकाको कोलोम्बो । जनवरी २३ मा ट्रफीले पहिलो पटक श्रीलंकाली भूमि छोएको थियो । संयोगवश यसपटक ट्रफीले सबैभन्दा बढी एसियाली देशकै यात्रा गर्नेछ । सन् २००६ मा यो ट्रफीले २९ देशको यात्रा गरेको थियो । सन् २०१० मा ८४ देश पुगेको उक्त ट्रफीले सन् २०१४ मा ९० वटा देशको भ्रमण गरेको थियो । यसपटक आयोजक रूससँगै ट्रफी पुग्ने देशको संख्या ५२ छ ।

ट्रफीको कोलोम्बो यात्रा अघि लन्डनमा फिफाले विशेष कार्यक्रम आयोजित गरेको थियो । फिफाको दाबी छ— विश्वकप ट्रफीलाई नजिकबाट हेर्न पाउनु पनि कसैका लागि जीवनमा एकपटक मात्र आउने दुर्लभ अवसर हुन्छ । यसपटक ट्रफीले ६ वटा महादेशको यात्रा गर्नेछ । कोलम्बोमा विश्वकप ट्रफीलाई सार्वजनिक प्रदर्शनीका लागि राखिँदा ठूलो उत्साह देखिएको थियो । श्रीलंकाली फुटबल खस्किएको स्थितिमा ट्रफीको आगमनले त्यहाँको फुटबलमा नयाँ उत्साह सिर्जना गर्ने विश्वास गरिएको छ ।

यसपटक विश्वकप ट्रफी कुन–कुन एसियाली देशमा पुग्नेछ त ? कोलोम्बो आइपुगेको ट्रफी नजिकैको छिमेकी माल्दिभ्सको माले पुगेको थियो । त्यसपछि थाइल्यान्डको फुकेट । त्यसपछि यो ट्रफी अरू दुई एसियाली देश लाओस र मकाओ पुग्नेछ । फेब्रुअरी ३ मा ट्रफी फेरि एसिया आउनेछ र त्यति बेला उसको गन्तब्ध हुनेछ, पाकिस्तानको लाहोर । त्यहाँबाट ट्रफी क्रमश: काजाकिस्तान, कीर्गिस्तान, उज्वेकिस्तान र तुर्कमिस्तानको भ्रमणमा लाग्नेछ ।

फेब्रुअरी १७ पछि यो ट्रफी फेरि एसिया आउनेछ र त्यति बेला यसलाई स्वागत गर्ने मौका पाउनेछ, प्यालेस्टाइनले । त्यहाँबाट ट्रफी जोर्डन र युएई पुग्नेछ । अप्रिलको अन्तिम साता यो ट्रफी तीन एसियाली देशमा पुग्नेछ र ती हुनेछन्— मंगोलिया, चीन र जापान । रूस पुग्नुअघि जापान ट्रफी यात्राको अन्तिम गन्तव्य हुनेछ । ट्रफीको अन्तिम प्रदर्शन रूसको भ्लाडिभोस्टकमा गरिनेछ र त्यहीँ ट्रफीको औपचारिक विश्व यात्रा टुंगिनेछ ।
[/av_textblock]

[av_codeblock wrapper_element=” wrapper_element_attributes=”]
[Sassy_Social_Share]
[/av_codeblock]

[/av_cell_two_third][av_cell_one_third vertical_align=’top’ padding=’30px’ background_color=” src=” background_attachment=’scroll’ background_position=’top left’ background_repeat=’no-repeat’ mobile_display=”]

[av_heading tag=’h2′ padding=’10’ heading=’Advertisement Area’ color=” style=” custom_font=” size=” subheading_active=” subheading_size=’15’ custom_class=” admin_preview_bg=” av-desktop-hide=” av-medium-hide=” av-small-hide=” av-mini-hide=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=”][/av_heading]

[/av_cell_one_third][/av_layout_row]