जो बगाउछ पसिना, अन्न उ फलाउछ।
कुना कप्चा खोस्रेर माटो उ नै चलाउछ।
उ नै पर्छ पिडामा, आधा पेट बाँच्दछ
अझै स्वभिमानी भै प्रतिकुलतामा हाँस्दछ।
पानी झरि सबै झेल्छ,दिन रात उ खट्दछ
कहिले बेँसी कैले टार, उ नै लेक चढ्दछ।
कैले सप्रन्छ त कहिले बिग्रन्छ उसको बाली
अर्को साल नयाँ आशामा खट्दछ सबै निरासा फालि
सपना ठुल-ठुला बुन्दैन, काम नै उसको निसाना
सम्मानले शिर झुकाउँछु, उ हो मेहेनति किसान।
भुषण गौतम
सूर्योदय नगरपालिका, इलाम
