यस्तो छ आगामी ३ दिनको मौसम

काठमाडौं – जल तथा मौसम पूर्वानुमान महाशाखाले अहिले देशका अधिकांश भूभागमा आंशिकदेखि सामान्य बदली भई थोरै स्थानमा हल्का वर्षा भइरहेको जनाएको छ ।  आज शुक्रबार दिउँसो देशभरी सामान्य बदली रही मध्य र पूर्वका केही स्थानमा र पश्चिमका थोरै स्थानमा मेघ गर्जन र चट्याङसहित हल्कादेखि मध्यम वर्षाको सम्भावना रहेको तथा मध्य र पूर्वका एक वा दुई स्थानमा भारी वर्षाको सम्भावना रहेको पूर्वानुमान महाशाखाको भनाई छ ।

आज राति देशभरी सामान्य बदली हुने र केही स्थानमा मेघ गर्जन सहित हल्कादेखि मध्यम वर्षाको सम्भावना रहेको समेत जनाइएको छ । देशको पहाडी भूभागका एक वा दुई स्थानमा भारी वर्षाको सम्भावना रहेको पूर्वानुमान महाशाखाले जनाएको छ ।

यसैगरी भोलि शनिबार र पर्सि आइतबार पनि देशभरी सामान्य बदली र वर्षाको सम्भावना रहेको जनाइएको छ ।

आगामी २४ घण्टामा देशका केही स्थानमा मेघ गर्जन सहितको हल्का देखि मध्यम वर्षाका साथै पहाडी भूभागका एक वा दुई स्थानमा भारी वर्षाको सम्भावना भएकोले पहिरो जानसक्ने तथा सडक र हवाई यातायातमा सामान्य अवरोध आउन सक्ने हुनाले सतर्कता अपनाउन अनुरोध गरिएको छ ।

बाढी पूर्वानुमान महाशाखाले आज बिहान ८ः३० बजे जारी गरेको बुलेटिनमा कन्काई नदी जलाधारको कन्याम चियाबगान स्थित स्वचालित वर्षा मापन केन्द्रमा पछिल्लो ६ घण्टामा भारी वर्षा मापन भएको जनाइएको छ ।

उक्त स्थान आसपास भई बहने ससाना नदीमा आकस्मिक वहाव हुन सक्ने र यात्रामा सामान्य सतर्कता अपनाउन आग्रह गरिएको छ । कन्काईमा जलसतह बढ्ने तर सतर्कता तह भन्दा तलै हुने जनाइएको छ ।

आगामी तीन दिन सम्म देशका प्रमुख र मझौला नदीमा वहाव बढ्ने तर सतर्कता तह भन्दा तलै हुने समेत जनाइएको छ । आज इलाम, झापा, मोरङ्ग, धनकुटा, उदयपुर, सप्तरी, सिन्धुली, मकवानपुर, सिन्धुपाल्चोक, रसुवा, नुवाकोट, गोरखा, काठमाडौं, नवलपरासी, रुपन्देही, पाल्पा, सल्यान, रोल्पा, रुकुम, डडेलधुरा, डोटी, बैतडी भइ बहने ससाना नदीमा पनि बहाव बढ्ने जनाइएको छ ।

सिफारिस

क्रिकेट खेलाडीले अब मासिक एक लाख तलब पाउने

नेपाल क्रिकेट संघ (क्यान) ले राष्ट्रिय क्रिकेट टोलीका सदस्यहरूको तलब बढाएको छ। शनिबार र सोमबार बसेको क्यान कार्यसमिति बैठकले खेलाडीहरुलाई नयाँ वर्गीकरण गर्दै तलब...

लिटिल क्लाईम्बर्स स्कुलमा अबाकस प्रतियोगीता, स्मरण पौडेल बने प्रथम

काठमाडौं - काठमाडौंको नागर्जुन नगरपालिका २ मा रहेको लिटिल क्लाईम्बर्स इङ्ग्लिस सेकेन्डरी स्कुलमा स्कुल लेवल अबाकस प्रतियोगीता सम्पन्न भएको छ । अभिभावक र विद्यार्थीको...

लिटिल क्लाईम्बर्समा अबाकस, राष्ट्रिय ट्रफी उचालेरै छाड्ने दाउ

काठमाडौं । काठमाडौंको नागर्जुन नगरपालिका २ मा रहेको लिटिल क्लाईम्बर्स इङ्ग्लिस सेकेन्डरी स्कुलमा स्कुल लेवल अबाकस प्रतियोगीता सम्पन्न भएको छ । अभिभावक र विद्यार्थीको...

LEAVE A REPLY

Please enter your comment!
Please enter your name here

भर्खरै

लिटिल क्लाईम्बर्स स्कुलमा अबाकस प्रतियोगीता, स्मरण पौडेल बने प्रथम

काठमाडौं - काठमाडौंको नागर्जुन नगरपालिका २ मा रहेको लिटिल...

लिटिल क्लाईम्बर्समा अबाकस, राष्ट्रिय ट्रफी उचालेरै छाड्ने दाउ

काठमाडौं । काठमाडौंको नागर्जुन नगरपालिका २ मा रहेको लिटिल...

फुट्सल प्रतियोगिता आयोजना गर्दै एनएफपिजे, आफ्नो टिम बनाउन थाल्यो प्रशिक्षण

काठमाडौँ -  राष्ट्रिय फोटो पत्रकार समूह,नेपाल (एनएफपिजे)ले आगामी चैत्र...

पत्रकार शाक्य र गौतममाथि दुर्व्यवहार गर्ने प्रहरीलाई तत्काल कारबाही गर्न पत्रकार महासंघको माग

काठमाडौँ - नेपाल पत्रकार महासंघले समाचार सङ्कलनका क्रममा नेप्लिज...

राष्ट्रिय फाेटाे पत्रकार समूह दोलखा शाखाकाे अध्यक्षमा प्रलाद आचार्य

दोलखा – राष्ट्रिय फोटो पत्रकार समूह (एनएफपिजे) नेपालको दोलखा...

सूचना विभागको कार्ड पैसाले किन्ने प्रहरीको धम्की, परिचयपत्र खोसेर पत्रकारमाथि धरपकड

काठमाडौं - कालिमाटी प्रहरी वृत्तबाट खटिएका सुरक्षाकर्मीहरुले पत्रकारमाथि दुव्र्यवहार...

धेरै पढिएको