नेपाली कांग्रेसका युवा नेता रामहरी खतिवडाले महमद अफताव आलमले गरेको अपराधको सती नेपाली काग्रेस पार्टी जान नसक्ने स्पष्ट पारेका छन् । खतिवडाले नेपाली काग्रेस विधिको शासन र कानुनी राजमा विश्वास गर्ने पार्टी भएकाले अपराधीलाई संरक्षण गर्ने कुरा सोच्न पनि नसकिने बताएका छन् ।
आइतवार संवाद चौतारीले राजधानीका आयोजना गरेको अन्तरसंवाद कार्यक्रममा बोल्दै खतिवडाले अनुसन्धानको क्रममा रहेका आलम प्रकरण स्वतन्त्र र पूर्वाग्रह रहित अनुसन्धानलाई काग्रेसले सघाउँने बताए । यदि यो अपराध प्रमाणित भयो भने यो भन्दा ठूलो अपराध केहि हुन नसक्ने भन्दै उनले अपराधीलाई कडा भन्दा कडा कारवाही गरिनु पर्ने बताए । काग्रेस सभापति शेरबहादुर देउवाले दिएको अभिव्यक्तिका बिषयमा पत्रकारले सोधको प्रश्नमा खतिवडाले देउवाले बोलेको कुरा व्याख्यामा फरक परेको हुन सक्ने तर अपराधीलाई संरक्षण नै गर्न खोजेको हो भने जसले बोलेपनि समर्थन गर्न नसकिने खतिवडाले बताए ।
फरक प्रसंगामा नेता खतिवडाले अब सभामुख चयन हुँदा सभामुख र उपसभामुख मध्ये एक काग्रेसले पाउँने दावी पार्टीको रहने तर यसैको लागि झगडा भने नगर्ने प्रष्ट पारे सत्तारुढ सँग बहुमत रहेकाले उनिहरुले जसलाई बनाउँन चाह्यो उसैलाई बनाउँन सक्ने भन्दै संवैधानिक व्यवस्था अनुरुप सभामुख र उपसभामुख मध्ये एक फरक पार्टीबाट हुनपर्ने जिकिर गरे ।
