काठमाडौं– प्रमुख प्रतिपक्षी दल नेपाली कांग्रेसका नेता मिन विश्वकर्माले कुनै पनि बाहनमा कांग्रेसले अपराधीको पक्षपोषण गर्न नसक्ने स्पष्ट पारेका छन् । कांग्रेस सभापती देउवाले त अनुसन्धानलाइ नै प्रभावित हुने गरि आलमको पक्षमा अभिव्यक्ति दिनु भयो नि ? भन्ने प्रश्नमा विश्वकर्माले देउवाले बोलेका कुरा र समाचार बनाउँने कुरामा केहि तादम्यता नमिलेर त्यसो हुन गएको हुन सक्ने भन्दै पछि सभापतिले नै त्यसलाई खण्डन गरेर विज्ञप्ती जारी गरिसकेको स्मरण गराए ।
मंगलवार संवाद चौतारीले राजधानीमा आयोजना गरेको अन्तरसंवाद कार्यक्रममा बोल्दै विश्वकर्माले पछिल्लो समय माननीयहरुका बारेमा आएका समाचार निकै लज्जाको विषय भएको भन्दै संविधान भन्दामाथि कोहि नभएकाले जुनसुकै ओहदाको भए पनि अपराधीलाई कानुन बमोजिम कारवाही गर्नु पर्नेमा कांग्रेस प्रतिवद्ध रहेको बताए ।
त्यस्तै कार्यक्रममा नेता विश्वकर्माले सत्तारुढ नेकपाले यय अघि सभामुख र उपसभामुख चयन गर्दा बहुमतको दम्भका अधारमा संविधान मिचेर चयन गरेकाले अब भने नेपाली कांग्रेसले त्यस्तो प्रवृतीको सशक्त प्रतिवाद गर्ने पनि बताए । संविधान बमोजिम सभामुख उपसभामुख फरक दल र लिंङ्गको हुनपर्ने व्यवस्था लाई उलंघन गर्दै यसअघि नेकपाले झेली गरेको भन्दै विश्वकर्माले अब त्यो सम्भव नहुने बताए ।
