काठमाडौं – नेपाली काँग्रेस पार्टी कार्यालयमा सभापति शेरबहादुर देउवाविरुद्ध नेविसंघका कार्यकर्ताले विरोध प्रदर्शन गरेका छन् ।
केन्द्रिय समिति वैठकका लागि देउवा पार्टी कार्यालय प्रवेश गर्दा नेवि संघ कार्यकर्ताको घेराउमा परेका थिए ।
नेवि संघका कार्यकर्ताले ३२ वर्ष मुनिकालाई नै नेविसंघको अध्यक्ष बनाउनु पर्ने माग गर्दै नाराबाजी गरेका थिए ।
संघको अवरोधमा सभापति देउवालगायतका नेताहरुलाई कार्यालय छिर्न समस्या परेको थियो ।
कार्यकर्ताले नाराबाजी गर्दै घेराउ गरेपछि सभापति देउवा ‘यो के गरेको’ भन्दै जंगिएका थिए । उनले हप्काएपछि कार्यकर्ता आक्रोशित बनेका थिए ।
आसन्न उपनिर्वाचनको उम्मेद्वार चयन तथा भ्रातृ संगठनको गठन लगायत एजेन्डामा छलफल गर्न आज केन्द्रिय कार्यालयमा पार्टीको बैठक थियो ।
