काठमाडौं – भारतले कालापानी, लिपुलेक र लिम्पियाधुरा आफ्नो नक्सामा पारेको विरोधमा नेविसंघ नेताहरुले भारतीय दूतावासलाई ध्यानाकर्षण पत्र पठाएका छन् । नेपालको भूभाग आफ्नो नक्सामा पारेको भन्दै संघका पुर्व केन्द्रिय सदस्यहरु प्रेमबहादुर शाही, गीता गुरुङ र पदम भट्टराईले ध्यानाकर्षणपत्र बुझाएका हुन् ।
नेपालका लागि भारतीय राजदूत मञ्जिवसिंह पुरीलाई सम्बोधन गर्दै लेखिएको ध्यानाकर्षण पत्रमा नेपालको भूभाग आफ्नो नक्सामा राख्ने गल्ती सच्याउन माग गरिएको छ । उनीहरुले लैनचौरस्थित दूतावास कार्यालय पुगेर सिंहलाई पत्र बुझाएका हुन् ।
पत्र बुझेलगत्तै कार्यवहाक राजदूतले ध्यानाकर्षणपत्रलाई आफुले गम्भीर रुपमा लिएको बताएको नेता शाहीले जानकारी दिए । कार्यबाहक राजदुतले यो समस्या यथाशीघ्र समाधान गर्न भारत सरकार पनिलागेको र केही समय अझै लाग्ने बताएका थिए । बुधबार शाहीको नेतृत्वमा दूतावास अगाडी विशाल प्रदर्शन गरिएको थियो ।
