चलचित्र विकास बोर्डका अध्यक्ष केशव भट्टराइको निधन भएको छ । भट्टराइलाई उपचारका लागि ओम अस्पताल लैजांदै गर्दा गएराती १० बजेर २० मिनेटमा निधन भएको हो ।
उहाँको हृदयघातका कारण निधन भएको बताईएको छ । निर्माता तथा कलाकार समेत रहनुभएका भट्टराइले पछिल्लो पटक चलचित्र ‘यात्रा’ निर्माण गर्नुभएको थियो । उहाँले निर्माण गरेका थुप्रै चलचित्रले बक्स अफिसमा राम्रो व्यापार समेत गरेका छन् ।
करिब एक बर्ष अगाडि उहाँ चलचित्र विकास बोर्डको अध्यक्ष पदमा नियुक्त हुनुभएको थियो । तिस दशक भन्दा लामो समयदेखि चलचित्र क्षेत्रमा सक्रिय भट्टराइले ‘आफ्नो मान्छे, पाहुना, कर्मयोद्धा, देवरवावु, छोडी गए पाप लाग्ला, सो सिम्पल’ लगायत चलचित्रहरु निर्माण गर्नुभएको छ भने दर्जनौ चलचित्रमा अभिनय समेत गर्नुभएको छ
