काठमाडौं – शैक्षिक प्रणालीमा सुधार ल्याउने हेतुले करिब २ हजार बर्ष पुरानो फादर अफ कम्प्युटर अवाकस प्रतियोगिता भक्तपुरमा सम्पन्न भएको छ । बालविकास तथा एनसीमास नामक संस्थाको सहयोगमा शनिबार भक्तपुरको सुर्यविनायकस्थित निओलोजियन सेकेण्डरी स्कुल र चुनदेवीस्थित विङ्स स्कुलमा अवाकस प्रतियोगिता सम्पन्न गरिएको हो ।
शनिबार सम्पन्न प्रतियोगितामा दुई विद्यालयका करिब ४ सय जना विद्यार्थीहरुको सहभागिता रहेको थियो ।
विद्यार्थीहरुका लागी प्रभावकारी भएको भन्दै ती विद्यालयहरुले यसै शैक्षिक शत्रबाट अवाकसलाई नियमित पाठ्यक्रममा समाबेश गरेको छन् । विगत १५ बर्षदेखि नेपालमा संचालन गरिँदै आएको उक्त प्रणालीलाई विद्यार्थीहरुका साथै, अभिभावकले समेत मन पारएका छन् । शिक्षक तथा अभिभावकले उक्त प्रणालीले साँच्चै सकारात्मक परिवर्तन ल्याएको भन्दै प्रभावकारी रहेको बताएका छन् ।
विद्यालयहरुमा विजयी हुने विद्यार्थीहरुलाई राष्ट्रिय स्तरमा प्रतिस्पर्धा गराइने र त्यसमा पनि विजयी हुने विद्यार्थीहरुलाई अन्तर्रा्ष्ट्रियस्तरको प्रतियोगितामा सहभागी गराइने बालविकास तथा एनसीमासका अध्यक्ष तेजु नेपालले बताए ।
