काठमाडौं – प्रधानमन्त्री केपी शर्मा ओली, नेकपा अध्यक्ष पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबीच भेटवार्ता भएको छ ।
प्रधानमन्त्री निवास बालुवाटारमा ओली, प्रचण्ड र देउवाबीचको भेटवार्ता संवैधानिक परिषद् बैठक र शान्ति प्रक्रियासँग सम्बन्धित विभिन्न विषयमा छलफल भएको स्रोतको भनाइ छ ।
प्रधानमन्त्रीका प्रेस सल्लाहकार सूर्य थापाले प्रधानमन्त्रीले विपक्षी दलका नेतासँग नियमित भेटवार्ता अन्तरगत नै भेटेको जानकारी दिए ।
संवैधानिक परिषद्को बैठक, विभिन्न निकायको नियुक्ती, शान्ति प्रक्रिया पुरा गर्न गठन हुनुपर्ने आयोगका पदाधिकारी नियुक्ती लगायतका विषयमा छलफल भएको स्रोतको भनाइ छ ।
