प्रदेश २ सरकारले आज सार्वजनिक बिदा दिएको छ । मधेश आन्दोलनका सहिद भएकाहरूको सम्झनामा आज मनाइने बलिदानी दिवसको अवसरमा प्रदेश सरकारले बिदा दिएको हो ।
प्रदेश सरकारले आज औपचारिक कार्यक्रमको आयोजना गरी बलिदानी दिवस मनाउन लागेको छ । वीरगन्जमा आयोजना हुने बलिदानी दिवस कार्यक्रममा प्रदेश सरकार मन्त्री, मधेश आन्दोलनका सहयात्री दलका नेता, सहिद परिवार, नागरिक समाज बुद्धिजीविसहितको सहभागिता रहने जनाइएको छ ।
सहिद परिवारलाई सम्मानसमेत गरिने यस कार्यक्रममा सहभागी हुन मधेश आन्दोलन प्रदेश २ का सम्पूर्ण सहिद परिवारलाई जानकारी गराइएको छ । प्रथम मधेश विद्रोहको क्रममा २०६३ माघ ५ गते सिरहाको लहानमा रमेश महतोले दिएको प्रथम बलिदानीको अवसर पारेर मधेश केन्द्रित दलहरूले उक्त दिनलाई बलिदानी दिवसको रूपमा मनाउदै आएका छन्
