मण्डला थिएटरमा नयाँ नाटक ‘झिम्के मामा’ मञ्चनमा आएको छ । माघ ४ गतेबाट मञ्चन सुरु भएको नाटक झिम्के मामा सामाजिक यथार्थवादी नाटक हो।
प्रदिप कुमार चौधरीको लेखन तथा निर्देशन रहेको नाटकमा दुर्गा प्रसाद पाण्डेको कथा छ । यसले सामाजिक तथा सस्कारिक रुपमा जकडिएर रहेको जातिय बिभाजन र वर्णव्यवस्थाले कसरी आम मानिसको सोचमा प्रभाव पारिरहेको छ र कुनै पनि व्यक्तिको चरित्र तथा उपयोगिता उसको जन्म र वर्णले कसरी निर्धारण गर्छ भन्ने कुरामा आधिरित भएर व्यङ्ग गरेको छ ।
१ घण्टा २० मिनेट लामो यो नाटकमा अंकित खड्का, अनुप न्यौपाने, संयोग गुरागाँई, सागर खाती कामी, रीता श्रेष्ठ, युनिश श्रेष्ठ, सुशिल पाण्डे, विकाश पन्त, महन थापा, उषा किरण काफ्ले, रक्षा थापा, काब्या बराल, अर्विन्द अमात्य र क्रिजन महतले अभिनय गर्नेछन् ।
४ गतेबाट सुरु भएको यो नाटक २६ गतेसम्म चल्नेछ । सोमबार बाहेक हरेक दिन बेलुका ५ बजेबाट मञ्चन सुरु हुनेछ । शनिबार दिउँसो र बेलुका दुई पटक नाटक मञ्चन गरिनेछ ।
