सोलुखुम्बु र ताप्लेजुङका प्रमुख जिल्ला अधिकारी (सीडीओ) फेरिएका छन्।
गृह मन्त्रालयका प्रवक्ता सहसचिव फणिन्द्रमणि पोखरेलका अनुसार सोलुखुम्बुमा अनिल खनाल सीडीओ बनेर गएका छन् भने सोलुखुम्बुमा कार्यरत गणेश विक्रम शाहीलाई त्यहाँबाट सरुवा गरेको छ।
ताप्लेजुङमा महेश पोखरेललाई सीडीओ बनाएर पठाइएको छ। यसअघि पोखरेल सुनसरीको सहायक प्रमुख जिल्ला अधिकारी थिए।
प्रहरी प्रधान कार्यालयले ६ जना प्रहरी उपरीक्षक (एसपी) को सरुवा गरेको छ। शुक्रबार प्रहरी महानिरीक्षक शैलेश थापा क्षेत्रीले ३ वटा जिल्लाका प्रहरी प्रमुख समेत परिवर्तन गरेका हुन्।
प्रहरी प्रधान कार्यालयले तीन जिल्लाका प्रहरी प्रमुख फेर्न ६ जनाको काज सरुवा गरेको हो।
जिल्ला प्रहरी कार्यालय बर्दियामा कार्यरत ईश्वर कार्कीलाई कार्य विभागमा सरुवा गर्दै बर्दियाको जिम्मा अख्तियारमा कार्यरत बिरेन्द्र शाहीलाई दिइएको छ।
चितवनमा कार्यरत ओम अधिकारीलाई अख्तियारमा सरुवा गरिएको छ। चितवनमा नवराज अधिकारीलाई सरुवा गरिएको प्रहरी प्रधान कार्यालयले जनाएको छ।
यस्तै, महोत्तरीबाट दिनेश आचार्यलाई अपराध महाशाखामा ल्याइएको छ भने महाशाखामा कार्यरत कृष्ण पंगेनीले महोत्तरी प्रहरी प्रमुखको जिम्मा पाएका छन्।
