काठमाडौँ – पूर्व सांसद तथा नेपाली काँग्रेस पाल्पाका पूर्व जिल्ला सभापति गम्भीरजंग कार्कीको निधन भएको छ । लामो समयदेखि मृगौलाको डायलायसिस गर्दै आउनु भएका कार्कीको गएराती उपचारका क्रममा काठमाडौमा निधन भएको नेपाली काँग्रेस पाल्पा काठमाडौ सम्पर्क समितिले जानकारी दिएको हो ।
उहाँ २०४८ सालमा पाल्पा क्षेत्र नं. २ बाट प्रतिनिधि सभा सदस्यमा निर्वाचित हुनुभएको थियो भने २०५१ देखि २०५६ सालसम्म काँग्रेस पाल्पाको जिल्ला सभापति हुनुभएको थियो । त्यस अघि उहाँ राष्ट्रिय पंचायत सदस्यमा पनि निर्वाचित हुनुभएको थियो ।
पाल्पाको रम्भा गाउँपालिका अन्तर्गत पर्ने ताहूँमा स्थायी घर भएका कार्की सरल, सक्रिय र सवैसँग सहजै घुलमिल हुनसक्ने स्वभावका कार्की पाल्पामा सर्वप्रिय नेताका रुपमा चिरपरिचित हुनुहुन्थ्यो ।