काठमाडौं – गायिका आस्था राउत महानगरिय प्रहरी परिसर टेकु पुगेकी छिन् । आइतबार सिक्किमबाट नेपाल आएकी उनी अभिभावकका साथ आज विहान प्रहरी कार्यालय पुगेकी हुन् । उनलाई प्रहरीले अभिभावकका साथ आएमा पक्राउ नगरिने बताएको थियो ।
यस अघि प्रहरी सङ्गठनलाई अपशब्द प्रयोग गरेको आरोप लागेकी गायिका आस्था राउतविरुद्ध प्रहरीले अभद्र व्यवहार कसुर अन्तर्गत मुद्दा चलाएको थियो । महानगरीय प्रहरी परिसर काठमाडौँले उक्त कसुरमा जिल्ला प्रशासन कार्यालय काठमाडौँबाट पक्राउको अनुमति लिएर मुद्दा अघि बढाएको हो ।
केहि दिन अघि त्रिभुवन विमानस्थलबाट भद्रपुर जाने क्रममा त्यहाँ ड्युटीमा खटिएका प्रहरीसँग भनाभन भएपछि गायिका राउत विवादमा आएकी थिइन् । उनले प्रहरीसँग झगडा गरिरहेको सिसिटिभी फुटेज पनि सार्वजनिक भएको छ ।
