रामेछाप – नेपाली कांग्रेसका सभापति शेर बहादुर देउवाकाे निवास पुगेर खाँडादेवि गाउपालीका ४ का दर्जनाै युवाहरु विभिन्न पार्टी परित्याग गरि नेपाली कांग्रेसमा प्रवेश गरेका छन् ।
नेपाल कम्युनिस्ट पार्टी गरिवमारा पार्टी भएकाे भन्दै मंगलबार विहान देउवा निवास पुगेका युवाहरु नेपाली कांग्रेस सभापति देउवाद्वारा पार्टी प्रवेस गरेका हुन् । पार्टी प्रवेस पछि कार्यक्रममा बाेल्दै नेकपा रामेछाप काठमाडौ सम्पर्क मञ्च ईलाका ७ काे संयाेजक समेत रहेका रामकुमार कार्कीले नेकपा २७ बर्षसम्म विभिन्न संघ संगठनमा रहेर काम गर्दा अाफुले बुझेकाे माक्सवाद र लेलिनवाद अनुसार पाटी नचलेकाे र गरिबकाे नारा दिदै गरिबलाई नै मारमा पार्ने पाटी भएकाे हुदा पार्टी परित्याग गर्नु परेकाे बताउनु भयाे । त्यसैगरि नेकपा चरम दक्षिण पन्थीकाे सिद्धान्तमा लागेकाे देखेर नेकपा पार्टी नेपालीकाे लागि सहि नभएकाे बताउनु भयाे । त्यसैगरि नेकपाकाे सरकारले विभिन्न किसिमकाे राष्ट्रघाती सम्झाैता गरिरहेकाले नेकपाले देशमा खतरा सम्म बढेकाे बताउनु भयाे ।
खाँडादेवि ४ का कांग्रेस ईकाइ सभापति सुर्य श्रेष्ठ , नेका रामेछापका पुर्व जिल्ला सदस्य राजनारायण श्रेष्ठ , नेका रामेछाप जिल्ला सदस्य रामकृष्ण ढुङ्गेल र खाडादेवि ४ का वडा अध्यक्षका प्रत्यासी हरिबंश खत्रीकाे पहलमा विभिन्न पाटि परित्याग गरि कांग्रेस प्रवेश गर्नेहरुमा हरी कार्की, रामहरी गिरी ,रामकुमार कार्की ,सम्बर बहादुर मानन्धर ,दिपक कार्की ,रामचन्द्र कार्की , दिनेश श्रेष्ठ, शेर बहादुर कार्की, कृष्ण बहादुर कार्की , पस्कर कार्की ,प्रदिप सुनुवार ,सुजन कार्की ,खेम बहादुर कार्की ,विनाेद कार्की,गाैतम कार्की,देब बहादुर श्रेष्ठ ,विष्णु कार्की,वीर बहादुर कार्की र नारायण कार्की रहेकाे छन् ।
