दोश्रो रामेछाप कृषि पर्यटन र सांस्कृतिक महोत्सव हुने

रामेछाप – रामेछापको कृषि पर्यटन प्रवद्र्धन गर्ने उद्देश्यले दोश्रो रामेछाप कृषि पर्यटन सांस्कृतिक तथा औद्योगिक व्यापार महोत्सव आयोजना हुने भएको छ ।
मन्थली नगरपालिकाको प्रायोजनमा रामेछाप उद्योग वाणिज्य संघले उक्त महोत्सवको आयोजना गर्न लागेको हो । महोत्सव फागुन ६ गते देखि १५ गते सम्म जिल्ला सदरमुकाम मन्थलीमा आयोजना हुनेछ । रामेछाप उद्योग वाणिज्यले संघले मंगलबार मन्थलीमा पत्रकार भेटघाट गरी उक्त जानकारी दिएको हो ।
महोत्वसमा जिल्लाको पर्यटन क्षेत्रको विकासका लागि वृतचित्र, सांस्कृतिक झा“कि प्रदर्शन गर्नुको साथै कृषि उपजहरुको स्टल राखिनेछ । स्थानीय देखि राष्ट्रिय कलाकारको प्रश्तुति हुने महोत्वसमा हेलिकप्टरबाट शैलुङ्ग लगाएतको क्षेत्रमा पर्यटक पु¥याउने लक्ष्य लिइएको छ ।
जिल्लाका २ नगरपालिका, ६ गाउंपालिका, नेपाल उद्योग वाणिज्य महासंघ, नेपाल पर्यटन बोर्ड, विभिन्न गैरसरकारी संस्था, बैंक तथा वित्तिय संस्थाको लगानी जुटाएर आयोजना गर्न लागिएको महोत्सवमा करिव १ सय स्टल रहने रामेछाप उद्योग वाणिज्य संघका अध्यक्ष केशवप्रसाद घिमिरेले जनाएका छन ।