नेपाली सेनाकाे सिसं ४९ अधिकृत क्याडेट तालिम सम्पन्न, डल्लाकोटी भए प्रथम (फाेटाे फिचर)

काठमाडौँ – नेपाली सैनीक प्रतिष्ठान खरीपाटीमा सिसं ४९ पदिक तथा हुद्धा अधिकृत क्याडेट तालिम समापन भएको छ । नेपाली सैनिक प्रतिष्ठान खरिपाटीमा आयोजित कार्यक्रममा प्रधानसेनापति नेपाली सेनाको सहायक सेनानी दर्जामा पदोन्नति भएका नवआयुक्त अधिकृतलाई शुभकामना पनि दिए।

तालिममा उनीहरूले कवाज गरेका थिए, परेड खेलेका थिए। तालिमको प्रधासेनापति शर्माले निरिक्षण गरेका थिए। सोमबार तालिम समापन कार्यक्रममा सहायक सेनानी दर्जामा पदोन्नति भएका नवआयुक्त अधिकृतलाई शुभकामना दिँदै प्रधान सेनापति प्रभुराम शर्माले आयुक्तहरुलाई सेनाको व्यवसायीक छवि कायम राख्नको लागि जिम्मेवारी वृहत भएको बताए।

‘मनमस्तिष्कबाट मुलुक र संगठन प्रति समर्पण भाव राखी काम गर्नु । संगठनको छविलाई उचो बनाई राख्नु ।’ उनले भने, ‘संविधानले दिएको जिम्मेवारी सहित सेनाले विपद, मुलुकको संकटमा काधमा काध मिलाएको छ । सेना देश र जनताप्रति वफादार छ । पुर्खाहरूको देनले नै नेपाली सेना संगठन स्थापित भएको हो । व्यवसायीक र मर्यादित संस्था हो।’ उनले नेपाली सेनाले नेपालमा मात्र नभई विश्व शान्ति स्थापनार्थ समेत काम गर्दै आएको स्मरण गरे। उनले भने, ‘नेपाली सैना जुनसुकै चुनौती सामना गर्न तयार छ ।’

२०७८ भदौ १० गते सुरू भएको तालिम आज समापन भएको हो । यो तालिममा ४९ पदिक तथा हुद्दा अधिकृत क्याडेट, ६२ पदिक तथा हुद्दा अधिकृत क्याडेट पासआउट भएका छन्।

तालिममा पदिक गणेश डल्लाकोटी प्रथम भएका छन्। प्रतिष्ठानका शिक्षाधिकृत सहायक रथी अनुपजंग थापा ले वि सं २०४३ सालमा प्रतिष्ठानको स्थापना भएको र वि सं २०६६ सालदेखि मात्रै नेपाली सैनिक प्रतिष्ठान भएको बताए।

उनले यसअघि अधिकृत पदिक, हुद्दा लाई मात्रै दिइने पनि जानकारी दिए। वि सं २०६१ सालबाट प्राविधिक तथा महिलाका लागि पनि तालिम दिइने शुरु भएको उनले बताए। अहिले यस प्रतिष्ठानमा सिस ६०, ६१ र ६५ को तालिम भइरहेको छ ।