काठमाडौं – लामो समयको अन्तरालपछि गायक आरडी नयाँ गीतसहित दर्शक स्रोता माझ आएका छन्।
केहिदिन अघि मात्रै उनको नयाँ गीत ‘सुस्तरी’ को म्युजिक भिडियो सार्वजनिक गरिएको हो । लेखु सहयात्रीको शब्द रहेको गीतमा कोशिष क्षेत्रीको संगीत तथा उदयराज पौडेलको संगीत संयोजन रहेको छ ।
अर्जुन अधिकारीले निर्देशनमा भिडियोमा संगीतकार कोशिष क्षेत्री र प्रियंका खड्काले अभिनय गरेका छन् ।
तिमी मेरो म तिम्रो’ गीत रिमेक गरेर सांगीतिक क्षेत्रमा उदाएका गायक आरडीको दुइ दिने बोलको गीतबाट पनि उत्तिकै चर्चा बटुल्न सफल भएका थिए ।
पेशाले आइटी इन्जिनियर समेत रहेका गायक आरडी इमेन्स ब्याण्डबाट सांगीतिक यात्रा सुरु गरेका थिए । तर ब्याण्डका साथीहरु विदेश लागेपछि उनले एकल गायन यात्रा सुरु गरेका थिए । करिव ४ वर्ष सांगीतिक क्षेत्रबाट टाढा रहेका गायक आरडीले संगीतमा आफुले अझै केहि गर्न बाँकी रहेको भन्दै फेरि संगीतलाई निरन्तरता दिएको बताए ।
