काठमाडौं– वीर अस्पतालका ७०० जनरल बेड शुक्रबारदेखि बिरामीलाई नि:शुल्क उपलब्ध गराउने निर्णय गरिएको छ। चिकित्सा विज्ञान राष्ट्रिय प्रतिष्ठानमा नयाँ पदाधिकारी नियुक्त भएसँगै उक्त घोषणा गरिएको हो।
यसअघि प्रतिबेड २०० रुपैयाँ शुल्क लिने गरिएको थियो। बेड नि:शुल्क गर्दा वार्षिक ५ करोड रुपैयाँ खर्च हुने बताइएको छ। सरकार र आन्तरिक स्रोतबाट उक्त खर्च भरपाइ गरिने बताइएको छ।
अस्पतालका क्याबिन र आईसीयूमा भने निश्चित शुल्क लाग्नेछ।
सरकारले बिहीबार उपकुलपतिमा डा भुपेन्द्र बस्नेत, रेक्टारमा डा लोचन कार्की, रजिस्ट्रारमा डा ज्ञानेन्द्र शाह र डिनमा डा अशेष ढुंगानालाई नियुक्त गरेको छ।
