नेपाल आर्मीका हरिचन्द्र गिरीले संसारमा ‘सबैभन्दा छोटो समयमा भर्याङ खुड्किला हातले टेकेर ओर्लिने’ शीर्षकमा गिनिज वर्ल्ड रेकर्डमा नाम लेखाएका छन्।
उनले २५.०३ सेकेन्डमा भर्याङको ७५ खुड्किला हातले टेक्दै ओर्लिएर गिनिज वर्ल्ड रेकर्ड हात पारेका हुन्। यसअघि अमेरिकन नागरिक मार्क केन्नीले ३०.८ सेकेन्डमा यही विधामा गिनिज वर्ल्ड रेकर्ड बनाएका थिए।
केन्नीको रेकर्ड तोड्दै नेपाल आर्मीमा कार्यरत दाङ स्थायी घर भएका गिरीले २५.०३ सेकेन्डमै नयाँ विश्व रेकर्ड राख्न सफल भएका हुन्।
उनले बुढानिलकण्ठको जाम्चेन विजय स्तूपामा भर्याङका ७५ खुड्किला हातले टेक्दै २५.०३ सेकेन्डमै उल्टो ओर्लिएर विश्व रेकर्ड राखेका हुन्। हाल उनले आधिकारिक रुपमा सर्टिफिकेट हात पारिसकेका छन्।
गिरीको यो कलालाई मन पराएर साथ दिँदै नेपाल आर्मीका उपरथी सन्तोष कुमार ढकाल र महासेनानी अच्युतम भण्डारीले उनलाई नेपाल आर्मीको खेलकुद केन्द्रमा ल्याएका थिए।
यसअघि गिरीले तीन वटा शीर्षकमा गिनिज वर्ल्ड रेकर्डस्मा नाम लेखाइसकेका छन्। खुट्टाको बिचमा बल राखेर हातले टेकेर हिँड्ने शीर्षकमा उनले ४.४९ सेकेन्डमा १० मिटर पार गरेर पहिलो रेकर्ड राखेका थिए।
यही शीर्षकमा ५० मिटर दुरी उनले २५.५८ सेकेन्डमा पार गरेर दोस्रो रेकर्ड राखेका थिए। यस्तै भर्याङ्का खुड्किला हातले टेक्दै ओर्लिने शीर्षकमा १२.६५ सेकेन्डमा ५० खुड्किला पारेर गरेर तेस्रो विश्व रेकर्ड राख्न सफल भएका थिए। अब फेरि ५ औ रेकडको लागि तयारीमा जुटेको उनले बताए। अगामी रेकर्डको लागि उनले टायर माथि सर्वाधिक डोरी एक मिनेटमा खेलेर नयाँ विश्व कीर्तिमान गर्ने अभ्यासरत रहेको बताउँछन्।
उनी २०७७ सालमा आयोजित आर्मी गट ट्यालेन्ट प्रतियोगितामा उत्कृष्ट जवान समेत हुन
