काठमाडौं – कोरोना भाइरस रोकथाम तथा नियन्त्रण उच्चस्तरीय समन्वय समितिको बैठकले आन्तरिक तथा अन्तर्राष्ट्रिय हवाइ उडानमा जेठ २ गतेसम्म प्रतिबन्ध लगाउने निर्णय गरेको छ ।
उपप्रधान तथा रक्षामन्त्री ईश्वर पोखरेलको अध्यक्षतामा शनिवार बसेको समितिको बैठकले लकडाउन बढाउने/नबढाउनेबारे मन्त्रिपरिषद्लाई सुझाव दिन छलफल गरेपनि निर्णय सार्वजनिक गरिएको छैन ।
प्रधानमन्त्री तथा मन्त्रिपरिषद्को कार्यालयका सचिव नारायण बिडारीले समितिको बैठक प्रदेशहरूसँग समन्वय गर्ने मन्त्रीहरूको पनि उपस्थिति रहेको जानकारी दिए ।
लकडाउनबारे मन्त्रिपरिषद्को आगामी बैठकबाट निर्णय हुने सचिव बिडारीले बताए । सरकारले वैशाख १५ गतेसम्म लकडाउनको अवधि बढाएको थियो ।
