काठमाडौँ – काठमाडौँको कालिमाटीमा रहेको क्यामेलिया सेकेण्डरी स्कुलमा अवाकस प्रतियोगिता सम्पन्न गरिएको छ । बुधबार बालविकास एनसीमास संस्थाको सहकार्यमा प्रतियोगिता सम्पन्न गरिएको हो ।
कार्यक्रममा ५ देखि ७ कक्षासम्मका विद्यार्थीहरुको सहभागिता रहेको थियो । प्रतियोगितामा छानिएका विद्यार्थीहरुले आगामी फागुन २० गते हुने राष्ट्रियस्तरको प्रतिगोगितामा सहभागी हुन पाउने छन्।
कार्यक्रमपछि प्रतिक्रिया दिँदै क्यामेलिया सेकेण्डरी स्कुलका प्रधानाध्यापक रुद्रमणी अधिकारीले अवाकसले गर्दा विद्यार्थीमा धेरै परिवर्तन पाइएको बताए। विशेष गरेर नम्बरमा र ध्यान केन्द्रित गर्न अवाकसले धेरै सहयोग गरेको पुगेको हुनको भनाइ छ ।
त्यस्तै, अभिभावकहरुले पनि सुरुमा अवाकसबारे ज्ञान नभएको र पछि गएर आफ्ना बालबालिकाले अवाकस प्रणालीबाट छिटो छरितो तरिकाले गणितीय समस्या समाधान गरेको देख्दा बल्ल यो त पक्कै नै उपयोगी रहेछ भन्ने थाहा भएको बताए । बालबालिकाको ध्यान केन्द्रीत गर्न यसले ठूलो भूमिका खेलेका कारण अवाकस शैक्षिक प्रणाली अत्यन्त राम्रो भएको उनीहरुको भनाइ रहेको छ ।
