काठमाडौं । काठमाडौंको गोकर्णेश्वर नगरपालिका ३ मा रहेको नव सुन्ताखान एकेडेमीमा विद्यालय स्तरीय अबाकस प्रतियोगीता सम्पन्न भएको छ । बाल बिकास एनसीमास संस्थाको सहकार्यमा सम्पन्न भएको प्रतियोगीताबाट छानिएका विजेताहरुले राष्ट्रिय स्तरको प्रतियोगीतामा सहभागी हुन पाउनेछन् ।
३५० जनाभन्दा बढि विद्यार्थी सहभागी भएको प्रतियोगीतामा अभिभावकहरुको पनि उल्लेख्य उपस्थिति थियो । यो विद्यालयमा यहि वर्षदेखि अबाकस लागु भएको हो ।
प्रतियोगीता लगत्तै विद्यालयका संस्थापक प्रिन्सिपल सुदर्शन थापाले अबाकसबाट आफूहरु निक्कै खुशी भएको बताए । अबाकसका लागि बाल विकास एनसीमास संस्थालाई धन्यवाद दिँदै उनले आफ्नो बिद्यालयमा अबाकस लागु गराउने सोँच निक्कै पहिलेदेखिको भएपनि यो वर्षभने संचालनका लागि सफल भएको बताए ।
बाल बिकास एनसीमास संस्थाका कार्यकारी निर्देशक तेजु नेपालले विद्यालयले अबाकसहित विभिन्न अतिरिक्त क्रियाकलापमा जोड दिएको देख्दा आफूहरुलाई निक्कै खुशी लागेको बताए । उनले यो विद्यालयमा अबाकस लागु गराउन पाउँदा खुशी व्यक्त गर्दै राष्ट्रिय स्तरको प्रतियोगीता जितेर अन्तर्राष्ट्रिय स्तरमा सहभागीतामा सहभागीता जनाउन सक्ने अपेक्षा गरे ।
कार्यक्रममा सहभागी अभिभावकहरुले आफूहरुका बालबालिकामा अबाकसका कारण आएको परिवर्तनले निक्कै गौरवान्वित बनाएको बताए । यो कार्यक्रम विद्यालयमा लागु भएपछि आफ्ना बालबालिकाहरुमा निक्कै परिवर्तन आएको भन्दै उनीहरुले आगामी दिनहरुमा विद्यालयले अझै थुप्रै यस्ता कार्यक्रमहरु लिएर अघि बढ्ने आशा व्यक्त गरे ।
प्रतियोगीतामा सहभागी भएका विद्यार्थीहरुले पनि आफूहरुमा आएको परिवर्तनले यसको धन्यवादको पात्र अबाकसका शिक्षकहरु रहेको बताए । अघिल्ला वर्षहरुमा गणितिय समस्या समाधान गर्न निक्कै अप्ठ्यारो पर्ने गरेकोमा अहिले आएर निक्कै सहज भएको उनीहरुको भनाइ छ ।
शैक्षिक क्षेत्रमा नयाँ प्रयोग गरिएको अवाकसले बालबालिकाको मष्तिस्क विकास, गणितीय समस्या समाधान गर्न सहज, ध्यानलाई केन्द्रीकृत गराउने गर्दछ । विश्वका १ सय ५० भन्दा बढी देशमा यसको प्रयोग भइरहेको छ । बालबालिकाको शैक्षिक प्रणालीमा सुधार ल्याउन २ हजार बर्ष पुरानो फादर अफ कम्प्युटर अवाकसलाई विद्यालयले बैकल्पिक विषयका रुपमा पठनपाठन गराउँदै आएको छ ।
