काठमाडौं – काठमाडौंको नागर्जुन नगरपालिका २ मा रहेको लिटिल क्लाईम्बर्स इङ्ग्लिस सेकेन्डरी स्कुलमा स्कुल लेवल अबाकस प्रतियोगीता सम्पन्न भएको छ । अभिभावक र विद्यार्थीको उल्लेख्य सहभागीतामा सम्पन्न प्रतियोगीतामा विद्यार्थीहरुले आफ्नो क्षमता प्रस्तुत गरेका थिए ।
प्रतियोगीतामा कक्षा ७ का स्मरण पौडेल प्रथम, प्रनिस कार्की दोस्रो, रोचक पौडेल तेस्रो र शषिरत खड्का चौथो भएका छन् । यहि फागुन २० गते राष्ट्रियस्तरको अबाकस प्रतियोगीता हुँदैछ । त्यसैको तयारी स्वरुप विद्यालयस्तरीय अबाकस प्रतियोगीता गरिएको हो । प्रतियोगीतामा विजयी भएकाहरुले पुरस्कारसमेत पाएका थिए भने बाल बिकास एनसीमास संस्थाका तेजु नेपाललाई मायाँको चिनो प्रदान गरिएको थियो ।
कार्यक्रममा विद्यालयका प्रिन्सिपल दिलिप रेग्मीले आफ्नो विद्यालयमा अबाकस लागु गराउँदाको समय स्मरण गर्दै त्यसबेला धेरै व्यक्ति यसबाट अनविज्ञ रहेको बताए । विद्यालयले केही वर्षदेखि यसलाई लागु गराउँदै आएको भन्दै उनले आगामी दिनमा यसलाई अझै व्यवस्थित ढंगले अघि बढाउने प्रतिवद्धता व्यक्त गरे ।
बाल बिकास एनसीमासका तेजु नेपालले क्लाईम्बर्स इङ्ग्लिस सेकेन्डरी स्कुलमा अबाकस लागु गराउँदा बखतको अवस्था स्मरण गरे भने यो विद्यालयमा लागु गरिएपछि अरु विद्यालयले पनि यसलाई अनुसरण गर्दै लगेको बताए । विद्यालयका भाईस प्रिन्सिपल कविता नेपालले अबाकसले बालबालिकाहरुमा निक्कै सहयोग पुर्याईरहेको बताईन् ।
यसले स्मरण शक्तिमा पनि निक्कै सुधार गरेको भन्दै उनले बालबालिकाहरु थप सक्रिय बन्न मद्धत गरेको र अभिभावकहरु पनि खुशी भएका बताईन् ।
अभिभावकहरु पनि अबाकसका कारण आफ्ना बालबालिकामा आएको परिवर्तन देखेर खुशी छन् । बालबालिकाको मस्तिस्कमा यसले निक्कै ठूलो सहयोग पुर्याईरहेको उनीहरु बताउँछन् ।
विद्यार्थीहरुले पनि आफूहरुमा आएको परिवर्तन देखेर अबाकस अति आवश्यक रहेछ भन्ने बुझेका छन् । उनीहरुले अबाकसका कारण आफूहरुको शैक्षिक सिकाईमा निक्कै ठूलो सहयोग पुगिरहेको बताएका छन् ।
शैक्षिक क्षेत्रमा नयाँ प्रयोग गरिएको अवाकसले बालबालिकाको मष्तिस्क विकास, गणितीय समस्या समाधान गर्न सहज, ध्यानलाई केन्द्रीकृत गराउने गर्दछ । विश्वका १ सय ५० भन्दा बढी देशमा यसको प्रयोग भइरहेको छ । बालबालिकाको शैक्षिक प्रणालीमा सुधार ल्याउन २ हजार बर्ष पुरानो फादर अफ कम्प्युटर अवाकसलाई विद्यालयले बैकल्पिक विषयका रुपमा पठनपाठन गराउँदै आएको छ ।
