पुन हिल पद यात्रा नेपालको लोकप्रिय पद यात्रा मध्ये एक हो । गण्डकी प्रदेशको म्याग्दी जिल्ला र कास्की जिल्लाको सिमाना अवस्थित रहेको पहाड हो पुन हिल । ३२१० मिटर उचाइमा पुन हिलको भ्यु पोइन्ट रहेको छ । जहाँबाट मनमोहक सूर्यदय, सूर्यास्त अन्नपुर्ण र धौलागिरी हिमालको हिमशृङ्खलाहरुको दृश्य अवलोकन गर्न सकिन्छ ।
विभिन्न ऋतु अनुसार फरक फरक दृश्यको अनुभव पुन हिल पैदल यात्रमा गर्न सक्छौ । जाडो मौसमामा हिउँसँग खेल्न र पहाडलाई बादलले ढाकेर बादलको समुन्द्रमाथि हिमशृङ्खलाहरु देख्न सकिन्छ । बसन्त ऋतमा डाँडापाखाभरी ढकमक्क रंगीबिरंगी लालीगुरास फुल फुलेर ढाकेको देख्न सकिन्छ ।
आन्तरिक तथा बाह्य पर्यटकहरुको आगमन बढाउने र गाउँको आय आर्जन टेवा पुर्याउने उद्देश्यले पुन हिल पद यात्राको सुरुवात मेजर टेक बहादुर पुन सन २००१ बाट सुरु गरेका हुन ।
पोखरबाट बसमा ४५ किलो मिटर यात्रापछि नँयापुलबाट पुन हिल पद यात्रा शुरु हुन्छ । कहिले गाँउ बस्ती हुँदै त कहिले लालीगुराँस मनमोहक जङ्गलमा चराचुरुंगीका आवाज सुन्दै पुन हिलको यात्रा गर्न सकिन्छ । डाँडापाखाभरी ढकमक्क रंगीबिरंगी लालीगुरास फुल फुललेको हेर्न आन्तरीक तथा बाह्य पर्यटकहरुको आगमन दिनदिनै बढ्दै गइरहेको छ ।