काठमाडौ – भिम बहादुर तामाङ लोकतन्त्र केन्द्रले १३१ औं अन्तर्राष्ट्रिय श्रमिक दिवसमा १०० जना श्रमिकलाई खाद्यान्न सामाग्री वितरण गरेका छन् ।
लकडाउनका कारण समस्यामा काठमाडौ जोरपाटी , बेसिगाउ र माकलबारी क्षेत्रमा कार्यरत ज्यालादारी एवं स्वरोजगार श्रमिकहरुलाई शुक्रबार श्रमिक दिवसको अवसर पारेर खाद्यान्न राहत बाडेका हुन् । राहत वितरण कार्यक्रममा उपस्थित हुनु भएका गोकर्णश्वर नगरपालिकाका मेयर सन्तोष चालिसेले श्रमिक दिवसको दिन भिम बहादुर तामाङ लोकतन्त्र केन्द्रले श्रमिकलाई सम्झेर राहत वितरण गरेकोमा धन्यवाद दिनु हुँदै समस्यामा परेको श्रमिकलाई नगरले सहयोग गर्ने वचन दिए ।
भिम बहादुर लोकतन्त्र केन्द्रका अध्यक्ष एवं ट्रेड युनियन कांग्रेसका केन्द्रीय सदस्य बलदेव तामाङले लकडाउनका कारण दैनिक छाक टार्न गारो अवस्थामा पुगेको श्रमिकहरुमाझ केहि राहत दिन श्रमिक दिवसको दिन साथमा उभिन आएको बताउनु हुदै मेयर चालिसे समक्ष दैनिक ज्यालादारी र स्वरोजगार श्रमिकको पन्जिकरण गरि श्रमिकका समस्यामा सहयोग गर्न अनुरोध गरे ।
राहत जापानमा कार्यरत अश्मी लामा र कुन्साङ गोन्बाले सहयोग गर्नु भएको थियो भने राहत वितरण कार्यक्रममा गोकर्णश्वर नगरपालिकाका मेयर सन्तोष चालिसे, लोकतन्त्र केन्द्रका अध्यक्ष बलदेव तामाङ, महासचिव निर्मल कुमार घिसिङ,कोषाध्यक्ष सुदिप बुढाथोकी , वडा-८ का वडा अध्यक्ष , केन्द्रका सदस्य बिमल तिमिल्सिना र ट्रेड युनियन कांग्रेसका नेता ज्ञानहरि ढुगाना लगायतको उपस्थित रहेको थियो
