राष्ट्रिय लोक सञ्चारकर्मी नेपालले रोपाईँ दिवस मनाएको छ । ‘मानो रोपेर मुरी फलाउने दिन, राष्ट्रिय धान दिवस असार १५’ भन्ने मूल नाराका साथ काठमाडौंको गोकर्णेश्वर नगरपालिकाको सहकार्य र महिला सामूहिक कृषक समूह गोकर्णेश्वर नगरपालिका– ४ सहआयोजक उत्तरबाहिनी मन्दिर परिसरमा विशेष कार्यक्रमको आयोजना गर्दै रोपाईँ दिवस मनाएको हो ।
कार्यक्रममा लोकप्रिय गायक राजु परियार जन्म दिन पनि सोहि कार्यक्रममा केक काटेर मनाइएको थियो। त्यस्तै बद्री पंगेनी, भगवान भण्डारी, शिवनारायण जोशी, लोकदोहोरी गायिका शिला आले, राष्ट्रिय लोक तथा दोहोरी गीत प्रतिष्ठान नेपालकी अध्यक्ष रिता थापा मगरलगायतले गीत गाएर मनोरंजनसमेत प्रदान गरेका थिए ।
उक्त कार्यक्रममा प्रतिनिधिसभा सदस्य एवं सांसद सन्तोस चालिसे, गोकर्णेश्वरका नगरप्रमुख दिपक कुमार रिसाललगायत कलाकार र सञ्चारकर्मीको बाक्लो उपस्थिति रहेको थियो।
