चीनको पान्जीनमा नेपाली कला प्रदर्शनी हुने चीनको उत्तरपूर्वी प्रन्त लावोनिंगमा अवस्थित पर्यटकीय शहर पान्जीनमा यही सेप्टेम्बर १९-२३ तारिखसम्म नेपाली बृहत कला प्रदर्शनी हुने भएको छ ।
पान्जीन जिंगलोंगती डिस्ट्रिक गभरमेन्ट र अन्तराष्ट्रिय जलरॅग समाज नेपालको संयुक्त आयोजना एवं लिओही आर्ट म्युजियमको सह-आयोजनामा सम्पन्न हुने उक्त कार्यक्रममा नेपालका २८ जना बरिष्ठ तथा युवा कलाकारका १०० भन्दा बढी कला प्रदर्शनमा राखिने छ ।
नेपाली र चिनीया कलाकारहरुको संम्बन्धलाई अझ मजबुद बनाउने र भविष्यमा दुई देशबिचको कलालाई निरन्तर आदनप्रदान गर्ने हेतुले उक्त कार्यक्रम आयोजना गरिएको आयोजकले जनाएको छ।
५ दिनसम्म आयोजना हुने उक्त कला प्रदर्शनीमा नेपाली जनजीवन, संस्कृती र प्राकृतिक सौन्दर्यसंग सम्बन्धीत कलाकृतिको प्रदर्शनी गरिनुका साथै कलाका विविध गतिविधिहरू समेत समाबेश गरिने छन। पान्जीनको कला र संस्कृतिकलाई अझ नजिकबाट अवलोकन गर्न अन्तराष्ट्रिय जलरंग समाज नेपालका अध्यक्ष एन.बी. गुरुङको नेतृत्वमा नेपाल ललितकला प्रज्ञा प्रतिष्ठानका उपकुलपती लालकाजी लामा , समाजका महासचिव दिपेन्द्रमान बनेपाली, कोषाध्यक्ष भीम श्रेष्ठ , समाजका सदस्यहरु डिबी राई, विनोद कुमार गुप्ता र सुरेश श्यागतान गरि ७ जना कलाकारहरु कार्यक्रममा उपस्थिति जनाउन पान्जीन जाने कार्यक्रम रहेको छ।
आईडब्लुयस नेपालले तय गरेको दिर्घकालिन लक्ष्य अनुरुप “कला र पर्यटन , कलाकार र अन्तराष्ट्रिय पहिचान भने” नारालाई ब्यवहारमा उतार्न यस्ता खाले कार्यक्रमको आयोजना गरिएको समाजका अध्यक्ष गुरुंगले बताउनुभयो । यसअघि समाजले आफ्नो स्थापना कालदेखि नै अन्तराष्ट्रियस्तरका विभिन्न कार्यक्रमहरु भब्यताका साथ सम्पन्न गरिसकेको छ ।
