काठमाडौं- छठ पर्वको आज मुख्य दिन। अस्ताउँदो सूर्यलाई अर्घ्य दिएर मनाइएको छ । चार दिनसम्म मनाइने छठको तेस्रो दिन व्रतालुले काठमाडौंको खोला किनारमा भेला भएर अस्ताउँदो सूर्यलाई अर्घ्य दिएका हुन् ।
शुक्रबार बिहान उदाउँदो सूर्यलाई अर्घ्य दिएपछि विधिवत् रुपमा छठ पर्व सकिनेछ ।
निराहार व्रत बसेका व्रतालुले अस्ताउँदो सूर्यलाई अर्घ्य दिई रातभर छठ घाटमै जाग्राम बस्ने गर्छन् । छठको विधि भने कोजाग्रत पूर्णिमाका भोलिपल्ट अर्थात् कार्तिक कृष्ण प्रतिपदादेखि नै सुरु हुने गर्दछ ।
