राष्ट्रिय फोटो पत्रकार समूह (एनएफपिजे नेपाल)मा आवद्ध भएका देशैभरिका सदस्यहरुले ग्लोबल आइएमई बैंक लिमिटेडको सहयोगमा क्यामेरा खरिदको लागि विना धितो ऋण पाउने भएका छन ।
एक कार्यक्रमका बीच बैकका हेड ट्रान्जेक्सन प्रकाश पौडेल र एनएफपिजेका अध्यक्ष प्रदीपराज वन्तबीच सम्झौता पत्रमा हस्ताक्षर गरिएको हो । क्यामरा खरिदको लागि रु २ लाख देखि ५ लाख सम्म रिण दिने गरी समझदारी भएको हो ।
बैकले फोटो पत्रकारहरूलाई क्यामेरा खरिद गर्न सजिलो किस्ता योजनामा सुविधा उपलब्ध गराउन लागेको हो ।
ऋण लिनका लागि आवश्यक कागजातहरू नागरिकता, तलब प्रमाणपत्र आय कागजात, बैंक स्टेटमेन्ट, फोटो र आवेदन फारम संकलन गरी बैंकलाई एनएफपिजे मार्फत समन्वय र सहजीकरण गरिने छ ।
६ महिना देखि १८ महिनासम्म सरल किस्तावन्दीमा न्यूरोड स्थित जि एण्ड डी सप्लार्यसवाट फोटो पत्रकारले क्यामरा खरिद गर्न पाउने भएको हो । क्यामरा खरिदको लागि विना धितो सुन्य व्याजदरमा बैंकले फोटो पत्रकारलाई उक्त ऋण उपलव्ध गराउने भएको हो । उक्त हस्ताक्षर कार्यक्रममा बैकको तर्फबाट रमित कर्मचार्य र एनएपपिजेको तर्फबाट महासचिव घनश्याम श्रेष्ठ रहनु भएको थियो ।
राष्ट्रिय फोटो पत्रकार समूह केन्द्रीय कार्यालयको आधिकारीक सिफारिसको साथै फोटो पत्रकारहरुको संस्थागत सिफारिसमा क्यामराको लागि ऋण लिन पाउने छन ।
