मधेश प्रदेशमा आयोजना हुने उल्लू महोत्सव सांस्कृतिक विविधता झल्काउने महत्वपूर्ण उत्सवहरूमध्ये एक हो। यस महोत्सवमा मिथिला संस्कृतिका विभिन्न परम्परागत कलाहरू प्रदर्शन गरिएको छ , जसमा झिझिया नाच विशेष आकर्षणका रूपमा प्रस्तुत गरियो।
झिझिया नाचको धार्मिक तथा सांस्कृतिक महत्त्व भएकाले उल्लू महोत्सवमा यसको प्रस्तुति झनै विशेष हुन्छ। दुर्गा माताको आशीर्वाद प्राप्त गर्न र नकारात्मक शक्तिहरूलाई टाढा राख्न गरिने यो नाच रातिको समयमा देखाइन्छ, जहाँ महिलाहरूले आफ्नो टाउकोमा घडा राखेर दीप प्रज्वलित गर्दै नृत्य गर्छन्। यो दृश्यले महोत्सवको रौनक अझ बढाइदिएको छ ।
मधेश प्रदेश सरकारले झिझिया नाच जस्ता परम्परागत संस्कृतिको प्रवर्द्धन गर्दै आएको छ। उल्लू महोत्सवमा झिझिया नाचको समावेशले स्थानीय संस्कृतिको जगेर्ना गर्न थप योगदान पुर्याउनेछ। यस्तो नाचलाई राष्ट्रिय तथा अन्तर्राष्ट्रिय स्तरमा प्रवर्द्धन गर्न सके, मिथिला संस्कृतिको पहिचान अझ सशक्त हुनेछ।
