काठमाडौं – विश्वकै सबैभन्दा प्रदूषित सहरहरूको सूचीमा काठमाडौं पहिलो स्थानमा परेको छ। पछिल्ला केही दिनदेखि यहाँको वायु गुणस्तर (AQI) उच्च विन्दुमा पुगेको छ, जसका कारण जनजीवन प्रभावित बनेको छ।
आज साँझ, तुवाँलोको बाक्लो तहले ढाकिएको काठमाडौं उपत्यकाबाट देखिएको सूर्यास्त र धरहराको दृश्य फरक देखियो। वातावरणमा प्रदूषणका कारण सूर्यको रङ पहेँलो-नरम नारंगी देखिएको थियो।
स्वास्थ्यमा गम्भीर असरविशेषज्ञहरूका अनुसार अत्यधिक प्रदूषणका कारण सर्वसाधारणमा आँखा पोल्ने, घाँटी सुख्खा हुने, सास फेर्न गाह्रो हुनेजस्ता समस्या देखिएको छ। चिकित्सकहरूले वृद्ध, बालबालिका र दीर्घरोगीहरूलाई विशेष सावधानी अपनाउन सुझाव दिएका छन्।
प्रदूषणको कारण र नियन्त्रणका उपायवायु प्रदूषण बढ्नुमा सवारी साधनको धुँवा, निर्माण सामग्रीको धुलो, तथा जलवायु परिवर्तन मुख्य कारण रहेको विज्ञहरू बताउँछन्। वातावरणविद्हरूले सार्वजनिक यातायातको प्रवर्द्धन, हरियाली विस्तार, तथा धुलो नियन्त्रण गर्न उचित नीति अवलम्बन गर्न सरकारलाई आग्रह गरेका छन्।
नागरिकहरूलाई सतर्कता अपनाउन सुझावविशेषज्ञहरूले बाहिर निस्कँदा मास्क लगाउन, सकेसम्म घरभित्रै रहन, तथा सफा पानी प्रशस्त पिउन सुझाव दिएका छन्।
