काठमाडौं — आन्दोलनकारीको कब्जामा रहेको राजधानी काठमाडौंलाई आज सेनाले नियन्त्रणमा लिएको छ। हिजोको तुलनामा आजको काठमाडौंको दृश्य एकदमै फरक देखिएको छ।
सडकका प्रमुख चोक–चोकमा सैनिकहरू तैनाथ छन्। कर्फ्यू आदेश जारी भएकाले सवारीसाधनको आवतजावत निकै कम छ। तर, अत्यावश्यक कामका लागि बाहिर निस्किएका नागरिकलाई सेनाले परिचयपत्र जाँचेर अनुमति दिइरहेको छ। आम सर्वसाधारण भने प्रायः घरभित्रै सीमित छन्।
जेनजीको आन्दोलन भने मत्थर भएको छ। अहिले सडकमा जेनजीका युवाहरू सरसफाइमा जुटिरहेका देखिन्छन्। नयाँ बानेश्वरस्थित संसद भवन अगाडि सरसफाइ कार्य धमाधम भइरहेको छ। सेनाले सरसफाइमा संलग्न युवाहरूलाई कुनै अवरोध गरेको छैन।
