गत बिहीबारदेखि सुरु भएको इन्द्रजात्रा (येँया) इन्द्रध्वजापातनसँगै सम्पन्न भएको छ। बिहीबार साँझ ५ः३८ को साइतमा इन्द्रध्वजापातन गरिएको हो।
देशको वर्तमान विषम परिस्थितिलाई दृष्टिगत गर्दै अन्तिम दिन पर्ने नानीचा याः को अवसरमा यस वर्ष रथयात्रा भने सञ्चालन गरिएन। तर, कुमारी घरमै विधिवत पूजा गरिएको थियो।
इन्द्रजात्राको अन्तिम दिन लिङ्गो ढाल्ने साइत बिहान १०ः३२ तोकिए पनि नयाँ साइत निकालेर साँझ ढालिएको हो। यससँगै यस वर्षको इन्द्रजात्रा सम्पन्न भएको छ।
