जनकपुरधाम — धनुषा जिल्लाको जनकपुरधाम उपमहानगरपालिका–४ स्थित श्री राजदेवी मन्दिर प्राङ्गणमा मेलाका क्रममा रोटे पिङ भाँचिँदा फसेका ५६ जनाको नेपाली सेनाले उद्धार गरेको छ ।
शुक्रबार साँझ करिब ७ बजे भएको उक्त दुर्घटनापछि नेपाली सेनाको विष्णुदल गणबाट खटिएको उद्धार टोलीले अन्य सुरक्षा निकायसँगको सहकार्यमा उनीहरूलाई सकुशल उद्धार गरेको हो। सेनाका अनुसार उद्धारमा संलग्न टोलीले तुरुन्तै घेराबन्दी गर्दै पिङमा फसेका व्यक्तिहरूलाई एक–एक गरी सुरक्षित स्थानमा झारेका थिए।
उद्धार गरिएका सबै जना सकुशल रहेका र कुनै गम्भीर दुर्घटना नभएको जनाइएको छ।
तस्वीरहरू: नेपाली सेना
