सुन्दरभूमी नेपालको एक अनुपम अंश हो—ढोरपाटन। बागलुङ जिल्लाको उत्तरी भागमा फैलिएको यो क्षेत्र प्राकृतिक सुन्दरतासँगै धार्मिक र पर्यटकीय आकर्षणको केन्द्र बनेको छ। नेपालकै एक मात्र शिकार आरक्षका रूपमा चिनिने ढोरपाटन शिकार आरक्ष शिकार–प्रेमी, वन्यजन्तु अवलोकनकर्ता र प्रकृतिप्रेमी सबैका लागि स्वर्ग समान गन्तव्य हो।
हरियाली पाटनमा फूलेका रङ्गीबिरङ्गी वनफूल, स्वच्छन्द चरिरहेका घोडा र भेडाबाख्रा, अनि टल्कँदै बग्ने उत्तरगङ्गा नदी—यी सबै दृश्यले ढोरपाटनलाई जीवित चित्र बनाउँछन्। धार्मिक दृष्टिले समेत ढोरबराहा मन्दिर यहाँको आस्थाको केन्द्र हो।
ढोरपाटन क्षेत्रको पर्यटनलाई वातावरणमैत्री बनाउन तथा पर्यटनलाई आयआर्जनको स्रोत बनाइ स्थानियको जीवनस्तर उकास्न सके जैविक विविधताको संरक्षण सँगसँगै पर्यटनबाट यस क्षेत्रको दिगो विकास हुनेमा दुइमत छैन ।
तस्वीरहरू: राज अधिकारी/अन्नपूर्ण टाईम्स
